"نوفمبر..جيت!"

أنباء الوطن -

قصيدة بقلم الشاعرة: لما حداد

نوفمبر آخِر فْصول الخريف
جيت والورق صار مْقرمِش
لابِقْلَك الأصفر وألوان الطِّيف
هالشجر عِري والورد مْكرمش
مِن بَعدك شِتا وربيع وصِيف
يوم بيوم على الله نِدفِش
بِيْتكتِكْ شتا ع ورق القْطوف
وضربةْ رعِد عَ صوتها نرمِش
جايب معك هدايا أو ضِيف؟
نِكرَم لَ ضيوفَك ولاّ نْطنِّش؟!
هالقهوة وفيروزعالصُّبح للْكِيف
وموسيقى دَفْيانِة بهمْس توَشْوِش
ونلبَس كنزِة خَنِق ولفحَة صُوف
و نسمةْ هَبُوبَك هالقلب تِنْعِش