حلا شيحة تردُّ على من يرسلون لها صوراً من أفلامها قبل ارتداء الحجاب.. ماذا قالت لهم؟
أنباء الوطن - حابة أوضح حاجة بسيطة
اَي حد بيتعمد ينزل لي صورة من أفلامي السابقة علي صفحتي لن يستفزني أبداً بفضل الله و الذنب مش انا اللي حخده ده حيكون كله علي الشخص اللي سولت له نفسه الامر ده
انا بخاف من الله وحده الحمد لله قو ية جدا بالله وحده
ثم الدعاء و ادعوا الله الثبات في كل لحظة في يومي و انا ذقت الحياة بعيد عن الله
و بالقرب منه
و لا اتخيل حياتي ان تعود كالسابق
و الحمد لله انا بنت ناس طيبين و عائلة طيبة
ولي في حياتي السابقة بعض الأخطاء لكن اخطاء بنت في سن صغير شئ وارد و لابد منه .
كل الانسان يخطئ و لابد ان يخطئ و الا فكيف يعرف الصواب
و لولا الندم و التوبة الي الله و الصدق في طلب المغفرة من الله و العفو
و العزم علي ترك كل ما يغضب الله بصدق لما كان هذا حالي الان.
و لست ُ نادمة علي شئ واحد ان كل ما مضي من حياتي قادني الي الله
و محبته و التعلق به .
الدنيا دار اختبار لكل الناس احنا جينا هنا لحكمة عظيمة و لهدف
و لو الانسان مسألش نفسه و حاسب نفسه كل فترة حيعيش كدة و نفسه هي التي تتحكم فيه و تقوده الي الهلاك ربما ،
لازم نسأل نفسنا احنا مين و هنا ليه و ايه السبب في وجودنا،
أسئلة غيرت حياتي و حياة ناس كتير ،
واللي بيسأل بصدق غير اللي بيضحك علي نفسه بشوية اوهام تريحه
و حيصدقها و خلاص ،
علشان كدة بقول لأي حد بيحاول علي الصفحة يقول كلام عني بيحاول بيه يضايقني
أقوله متحاولش وصعب تعرف
لان مصدر قوتي و صبري و استمراري في طريقي من الله القوي المتين
الجبار العزيز
اللي لو كنت تعرف قدره مكنتش حتي فكرت
انك تظلم نفسك ايوة انت فعلاً ظلمت نفسك ،
اما انا ففوضتُ امري الي الله
والله المستعان علي ما تصفون .
