حمو بيكا: كنت بشرب مخدرات وبطلت

أنباء الوطن -

عترف مطرب المهرجانات الشعبية المصري حمو بيكا بأنه كان يتعاطى مخدرات قبل 8 سنوات، لكنه ابتعد عنها وينصح الشباب بالابتعاد عنها قائلاً: " أنا مش بشرب مخدرات خالص واللى يقول يقول، وأنا كنت بشرب وبطلت من 8 سنين وبنصح الشباب يبطلوا لأن أضرارها كتير".

وأكد المطرب حمو بيكا، خلال استضافته ببرنامج "شيخ الحارة والجريئة" مع المخرجة إيناس الدغيدى اليوم، أنه عانى من أضرار صحية كثيرة بسبب المخدرات، وأنه يتلقى علاجاً لمعدته بسبب ماحدث لها من المخدرات.

ويرى حمو بيكا أن أفضل مطرب شعبي هو أحمد شيبه لأنه من الإسكندرية نفس بلده، ويرفض حمو بيكا إطلاق لقب مُطرب على نفسه قائلاً: "أنا مش مطرب ولكن مؤدى وعملت أغاني لناس كتيرة قوى، وناس كتير قوي كان نفسها تغني معايا ولسه نفسهم يغنوا معايا، وأنا رحت فنادق ودخلت أفراح قبل شاكوكش وأى حد، والناس بتعشقني وممكن أنزل فرح اتصور مع الناس بس وبأخذ أجر".

وتابع: "أول لما المزيكا بتعتي تحضر فى فرح لازم كل الناس تقوم ترقص".

كما هاجم حمو بيكا زميله حسن شاكوش بعد انتشار أغانيه في الفترة الأخيرة، قائلا: "الغرور أكل حسن شاكوش وبقى مش شايف حد وشايف نفسه أنه رقم واحد واللي بيعمله فى نفسه غلط، وفى مجالنا محدش رقم واحد".

وأضاف: "أنا مش بنفسن وعمري ما أنفسن من شاكوش ولو هينجح 100 سنة أنا فرحان إنه ناجح عشان حسيت أنى عملت حاجة"، مؤكدا أن بداية نجاح شاكوش كانت من المشاركة معه في اغانيه وأنه انتج له حوالي 15 أغنية.

وتابع: "بداية نجاح حسن شاكوش من عندي وأنا أنتجت له أغاني كتير حوالى 15 أغنية وهو كان عنده 5% من الجمهور قبل ما يغني معايا، وصعب شاكوش يتنطط عليا وهو بيتنطط على كل الناس إلا أنا وأنا خط أحمر بالنسبة له".